揀車:

需要一輛咩車? 外型先決, 定係機件操作行先? 想要二人世界(2座跑車), 一家四口 (家庭房車), 定姨媽姑姐都載 (MPV), 抑或又跑得又載得人 (SUV)? 要架歐洲車, 日本車定係韓國車? 日常返工用(即係要慳油), 定係Sunday driver? 價錢方面, 又要睇你個budget, 以日本車為例, 同車種但唔同品牌, 價錢已經可以相距好遠. 仲有, 你但求有架車用, 定要有二手市場價值既車呢?

check車&資料:

稅單,車個張, 包括牌照, 燃油稅等, 睇清楚係咪冇問題, 已經可以落地行得出街.
出廠證明, 海關入口證明, 牌照申請書, 行車証
車身, 車底 (底盤), 車胎, 引擎, 電子零件等等等等, 當然少不免試車環節, 試清楚架車機件, 電子零件運作暢順, 有冇雜音

新車會有車主手冊同埋行車保養手冊, 介紹日常保養, 保證維修既零件, 建議行駛一定里數回廠驗車, 同埋全球服務供應商既聯絡資料

俾錢:

買車 = 車價, 保險, 牌費.
如果上會, 即分期付款, 好似買樓咁, 俾首期就得. 如果你上間車行推介既會 (不過通常利率會高少少), 由於車行有佣食, 可以問下salesman有冇野送.睇清楚張合約, 汽車詳細資料包括出廠日期, 車身number, 保險, 閣下資料, 個sales話送既配件等都會列明.

汽車品牌網站: